2022ko urrian amaitu zuen Aiako Udalak Urdaneta auzoko Eskola Etxea birmoldatzeko lanen lehen fasea. Lan horien helburua, "auzotarren aisialdi beharrei erantzuteko eraikina egokitzea" izan da.
Horretarako Udalak 133.403,84 (BEZ barne) euroko inbertsioa egin du. Europako Leader funtsen helburuarekin bat egiten zuela ikusita, orain, funtsetatik 68.337 eurotako laguntza jaso du Udalak, aipatu lanak finantzatu ahal izateko.