Hirugarren urtez, Aiako Udalak Argazki Lehiaketa antolatu du. 
Naturako lau elementuak gaitzat hartuta, 27 argazkilariren —19 aiarrak— 91 lan  aurkeztu dira. Bi kategoria izan ditu lehiaketak: bata, herritarrentzat eta, bestea, kanpotarrentzat. Argazkigintzan aditua den Koldo Berazak, Maitane Arrillaga   zinegotziak eta Igor Iturain alkateak osatutako epaimahaiaren  arabera.

Herritarren artean Asier Arrutiren Windeco vento 5000k jaso du 1. saria, J. M. Uriak irabazi  du 2.a Naturako lau elementuen bidez lortutako altzairuaru esker honako lehen distira egunsentian-ekin. 3. saria, berriz, Ana Lasaren Haizearen lanarentzat izan da.

Kanpotarren artean, Goizane Mendizabalen Agorregi argazkiak eraman du aurreneko saria. Irune Zulaikak Gaztainarekin lortu du 2. izatea eta Atseden laburrak izenekoagatik 3.a izan da Ander Maio. 2009ko egutegia egiteko argazkiak horiek herritarren gustukoekin batera  erabiliko dira.
Fotoak ikusgai izan dira kultur etxean, eta herritarrek aukera izan dute gustukoena aukeratzeko. Lehia horretan 145 lagunek eman zuten botoa, iaz baino gehiagok eta boto horien arabera erabaki da zein argazki azalduko diren egutegi berrian. Erakusketa ikustera joan direnek aurtengo txapelketako maila ona azpimarratu dute.

Irabazleek abenduaren 18an jasoko dituzte dagozkien sariak, eta herritarrek argazkiekin osatutako egutegia jasoko dute Gabonak baino lehen.

Argazki bilduma ikusteko kilkatu hemen.