Argazki tailerra antolatu du Orioko Herri Ikastolak maiatzerako. Argazki digitalaren oinarrizko ezagutzak lortzea izango da ikastaroaren helburua eta ostiraletan edo larunbatetan –oraindik erabakitzeko– izango da, AAEE-tan argazki espezialitatean lizentziatua den Arantxa Arrillaga oriotarraren eskutik. 10 orduko tailerra izango da eta 35 euro balioko du.

Jarraian dituzue ikasgaien edukiak:

Sarrera: kamera digitalaren ezaugarriak azaldu eta ordenagailura nola pasa argazkiak.
Argazki programa: argazkiak lantzeko Photodeluxe programa azaldu, oinarrizko ukituak eta eraldaketak lantzeko.
Erretratua: erretratua ateratzeko truku batzuen azalpena. Kalera irteera argazkiak ateratzera eta gero ordenagailuan landu.
Paisaia: paisaiak ateratzeko trukuen azalpena. Kalera irtenaldia eta ordenagailuan landu.
Argazkiak inprimatu eta albumak sortu: argazki programak dituen baliabideekin album digitalak sortu eta paperean inprimatzeko irudiak prestatu.

Interestuek apirilaren 14tik 28ra bitartean eman beharko dute izena Ikastolako idazkaritzan, bertaratuz edota telefonoz (943 83 47 04).