Asteartean egingo da babestutako eta tasatutako etxebizitzen zozketa. 18:30ean emango zaio hasiera, Karela kiroldegian. Egun hauxe erabaki zuen Udalak urriaren 29ko alkate dekretu bidez. Udalak urriaren 3an jakinarazi zuen hondartza inguruko etxebizitzen zozketan zeintzuk parte hartu ahal izango duten eta zeintzuk ez.

Horrela, 253 lagunen artean erabakiko da babes ofizialeko 35 etxeetako bat nork erosi ahal izango duen. Elbarri daudenentzat bideratutako 36. etxea lortzeko pertsona bakarra dago zerrendan. 42 dira baztertutako lagunak.

Tasatutako 37 etxebizitzari dagokienez, 179 lagunek hartuko dute parte zozketan. Gainontzeko bi etxeak lortzeko, elbarrientzako bata, eta familia ugarientzako bestea, hiru lagun daude zerrendan. Bi elbarrienean eta bakarra familia ugarienean. Hemen  43 dira zozketatik kanpo geratu direnak.

Zerrenda ikusteko klikatu hemen.