Aurrekontuak adosteko garaia izaten da abendua, eta urtea bukatzerako adostuta izatea komeni da. Hori dela eta Udal Gobernuak aurreko ostiralean eman zien gainontzeko talde politikoei 2012ko udal aurrekontuen zirriborroa.

Behin hori egin dutela, herritarrei ere aurkeztu egingo diete aurrekontua, bihar, abenduaren 21a, asteazkena, iluntzeko 20:00etan, Kultur Etxean. Bertan, Beñat Solaberrieta alkateak herritarrei aurrekontuetako dirua zertan gastatuko den azalduko die eta, ondoren, beren ekarpenak jasoko dituzte horretarako prestatu duten moduan.