Joan den ostegunean elkartu ziren Santioko festak antolatzen ohi dutenak, eta laguntzeko prest inor berririk ez zegoenik ikusita, festak ez antolatzeko erabakia hartu zuten.

Aspalditik antolaketa lanetan aritu diren zazpi lagun elkartu ziren bileran. Larri ibili dira azken urteetan dena egiteko, eta aurten ikusi dute ezer ez dela aldatu. Horietako batek, Xabier Elustondok, esan digu ezin dutela horrela jarraitu: Gauez aritu ondoren, jende berberak ezin du hurrengo eguerdian berriro jardun. Gehiegi da, txandaka egin beharko genuke, baina gurekin lan egiteko inor ez dagoenez, utzi egingo diogu.

Hala ere, datozen egunetan taldean parte hartzeko prest dauden  batzuk azaltzen badira, berriro aztertuko dute egoera, baina berandu egiten ari zaiela erabakia aldatzeko esan digu Xabierrek.