Susto galanta hartu dute 15:30 aldera Eusko Gudari kalean zebiltzanek. Izan ere, ordu horretan, Errasti ardotegiaren parean aparkatuta zegoen auto bati motorretik kea zeriola jabetu dira zenbait bizilagun. Suhiltzaile lanetan aritzen den herritar batek eta Aia-Orio auto enpresako langileetako batek su-itzalgailu batekin sua itzaltzea lortu dute Zarauzko suhiltzaileak iritsi aurretik. Autoa Seat Vario markakoa da, eta notizia hau argitaratzeko momentuak inork ez zekien sua zerk eragin ahal izan duen.