Bederatzi hilabeteren ondoren, moila azaroaren 22an irekita egotea espero du Udalak. Izan ere, egun horretan bertan amaitzen zaie  lanak bukatzeko epea Construcciones Donosti eta Urbanizaciones Iruñari (Codosa).

Erabat bukatzeko, azken xehetasunen bat edo beste falta bazaie ere (eskaileretako barandak, farolak eta itsasontziek portua jo ez dezaten beharrezkoak diren gomazko defensak), ibilgailuentzat errepidea behintzat erabiltzeko moduan izango dela, noski, adierazi du Jon Redondo alkateak.

Hasiera batean urriaren erdi alderako irekiko zutela jakinarazi zuten; baina, gero, atzeratu egin zen. Redondok honako azalpen hau eman digu: Portu eta Itsas Gaietako Zuzendaritzaren hanka sartze baten ondorioz, langileei gainera etorri zitzaien epea eta errepidea hilabetez ixtea erabaki zuten hasieran jarritako epe barruan amaitzeko.