Sebastian egunaren bezpera gaur, danbor hotsek hartu dute herria. Uneotan, Ikastolako haurrak danborradako piezak jotzen ari dira Ikastola aurreko plazoletan. 16:00etan ekin diote jendaurrean jotzeari, plazoleta guraso eta senidez lepo beteta zela. Horrelakoetan gertatzen den legez, petrilean eserita direnek nahikoa komeria badute danborrari txikiak lanean ikusteko argazkia atera nahiean guraso mordoa baitabil aurreko lerroan.

Zaragueta eskolari dagokionez, dagoeneko ospatu dute Sebastian eguna. Aurrekoetan baino partehartze txikiagoa izan da oraingoan, haurretako asko etxean baitziren, gaixorik. Azpiko irudian duzue eskolan egindako festako uneetako bat.