Azaroaren 25a emakumeenganako indarkeriaren aurkako eguna dela eta, gaur arratsalderako deitutako kontzentrazioaz gain, gaiarekin zerikusia duten emanaldi gehiago prestatu ditu Orioko Saltserak taldeak: azaroaren 27an, 19:30ean, emakumezkoen aurkako indarkeriari buruzko mahai ingurua egingo da udaletxeko udalbatzar aretoan. Abenduaren 13an, berriz, indarkeriaren inguruko tailerra izango da kultur etxean 10:00etan, Eider Goiburu izango da hizlaria.