Erantzun zabala izan zuen herrian Ezker Abertzaleak deituriko grebak. Herriko denda gehienek itxi egin zituzten ateak, egun osoan batzuk, goizeko lehen orduak irekita izan zituzten beste batzuk. Herri Ikastolak ere zaintza zerbitzuak izan zituen, 29 aldeko eta 23 kontrako bozekin grebaren aldeko erabakia hartu baitzen batzar informatiboan. Zaragueta eskolan, beriz, ez zuen inolako eraginik izan.  Garraioak, jangelak, banatzaileak… denak ohiko moduan funtzionatu zuen.

12:00etan izan zen lehen mobilizazioa. Arkaitz parean 130 lagun inguru bildu ziren eta herriari buelta egin zioten Independentzia aurrera, Euskal Herria kalera lemapean. Hau al da zuen bakea, Euskal Herria aurrera eta PNV español bezalako oihuak entzun ziren. Plazan bukatu zen manifestazioa, arratsalderako deialdia luzatuz.

20:00etan bildu ziren, berriz, herriko plazan. Lema bera hartuta, herriko kaleetan barrena ibili ziren bildutako 85 bat herritar.