Ondo abiatu dira Alkizatik mendi ibilaldiko 345 partehartzaileak. Goizeko 6:00erako prest zeuden, eta gogoz ekin diote zortzi mendi zeharkatzen dituen bideari.  Aiako plazan goizeko 9.15erako pasa behar zuten guztiak herriak zeharkatu eta Errezilera joateko bidea hartuta zeuden.

Helmugara iritsi zen aurreneko aiarra Blas Arruti izan da, arratsaldeko 15:34an. Honako hauek dira Aiarren emaitzak: Blas Arruti, 9h 32s; Lukas Lakuntza, 9h 31s; Gaizka Arrizabalaga, 10h 48s; Xabi Azpiazu, 10h 49s, Ekaitz Arrizabalaga, 11h 14s, Mikel Zulaika 11h 15s; Azier Egaña, 11h 15s; Jose Ignacio Elgarresta, 11h 49s eta Jose Mari Aldai, ibilaldi motzean, 5h 15s.

Gaurkoa, guztira, 48,6 kilometroko bidea da eta igotako  desnibela 2.400 metrokoa da; motza, berriz, 25 kilometrokoa da eta 2.000 metroko desnibela du. Ibilaldi osoa egin dutenak Alkizatik Larraulera jaitsi dira, gero Asteasutik gora Bulanora, handik Aristerrazura jaitsi berriro, eta, pixkat gora joanda, Aiatik pasa dira. Herrian Ernio Txikirako bidea hartu dute, eta handik Zelatunekoa. Bertan elkartu dira bide motza  egiten ari direnekin. Errezilera jaitsi, eta Bidegoianera igo dira, Albizturera jaitsi, Artzubira igo,Hernialdera jaitsi, eta,  bukatzeko, berriro Alkizara igo behar izan dira.

Foto gehiago 'Argazkiak' atalean.