Dokumentu Akzioak
Ezker abertzaleak ekitaldia egingo du larunbatean Orion
Onartezintzat jo dute "EAE-ANV alderdia jasaten ari den jazarpena"
Datozen egunetan, edo orduetan, jakingo da EAE-ANV alderdiak Espainiar kongresurako eta senaturako hauteskundeetan parte hartzerik izango duen edo gobernuak legez kanpo utziko duen. Egoera berdinean aurkitzen da legebiltzarrean 9 parlamentari dituen EHAK alderdia ere.
Hori dela eta, egitasmo politiko guztiak, independentziarena barne, defendatzeko aukera egon dadin eta ezker abertzalearen ilegalizazioa ekiditeko zer egingo duten galdetu die Orioko EAE-ANVk gainontzeko alderdiei.
Horrela,Oriorekiko dugun konpromisoa berretsiz eta Euskal Herriaren Hitza eta Independentziaren aldarria azaldu asmoz, ekitaldi politikoa egingo dute larunbatean, 12:30ean, herriko plazan.Ezker abertzaleak 2006an egindako manifestazio batetako irudia.
