Hemen zaude: Hasiera → Albisteak → Festa eta aldarrikapenak Orion Jai 2n
Dokumentu Akzioak

Festa eta aldarrikapenak Orion Jai 2n

2008/04/19

Eguerdiko hamabietan hasita, zer ikusi eta dastatua izan da plazan

Eguerdiko hamabietan eman zaio hasiera Orion Jai 2 festa egunari. Eguraldiak asko lagundu ez badu ere (ateri, baina haizea indartsu ibili baita) lagun dezente bildu da plazan, eusko labeldun txahala probatzeko eta sagardoa dastatzeko prest.

Arropa erosteko aukera ere izan da. Izan ere, Orioko Arraun Elkarteak, 2008ko kilometroko antolatzaile den Irurako Ikastolak eta ESAITek jantzi postu bana jarri dute plazan, goiz eta arratsaldez. Txikientzako ere puzgarriak izan dira Blinkeko parkean, egun osoan.

Festaz gain, aldarrikapen ugari ere izan da: OKK Gazte Asanbladak, adierazpen askatasuna defendatu eta taldeko zazpi auzipetuen egoera salatzeko, kale antzerkia egin du, 12:30ak inguruan hasita. Parodiaren aurretik, Zazpi gazte oriotar auziperatuak izan dira, muntoko planari buruzko plenora pankarta bat igo izanagatik, beraien eskubideak defendatuz. Adierazpen askatasuna! Errepresiorik ez! zioten eskuorriak banatu dituzte plazako jendearen artean.

Bestalde, plazako kioskoaren gainkaldea margotuta agertu da, euskal presoak etxeratzeko eskatuz.

Orion jai

Orion jai

 
 Orion jai

 Orion jai

  Orion jai

 
 Orion jai

 

Ankamotz

Oriyotarra — 2008/04/20 11:19
Karkarako kide maiteok, ez zait iruditzen plazako kiosko gaineko pintada jaiaren parte zenik. Gutxienez aparteko berri izan beharko luke horrelako pintada zikin bat agertzeak eta ez jai giroa eta aktibitateen parte bezala aurkeztua.

festa girua!

1 — 2008/04/20 12:25
Arrazoi dek hankamotz, benetan lotsagarriya, festan zer ikusirik ez dakan gaiak bertan sartzia.

Irakurri ondo titulua

Iker Gurrutxaga — 2008/04/20 14:00
Tituluak argi ta garbi esateu "Festa eta aldarrikapenak Orion Jai 2n". Nik uste ondo daola halako albiste bat itia. Izan'e aparte jarriko bazan nolabaiteko kriminalizaziyo baten tankera izango zun. Gaxtok izango bazian bezela. Lotsagarriya dan o ez? Lotsagarriya hau idaztia... festa egunan barrun in dan zerbait izandua! Besteik gabe.

lotsagarriya

puntapaxo — 2008/04/20 20:11
zein aldarrikapen?.denak ala batzuei interesatzen zaienak bakarrik.B enetan lotsagarriya.

Puntapaxoi

Iker Gurrutxaga — 2008/04/20 20:17
Gustatu o ez aldarrikapenak dia. Aldarrikapenak jeneralen batzun intereseako izateia, ez danentzako. Hala're kontutan hartzeko moko aldarrikapenak izan dia ez? Gure herrin batzuk ikusi nahi eztuen errealitatian parte dia. Gustatu eo ez. Danok dakigu eztiala gustoko izaten beti halako gauzak datozen lekutik datozela. Normala iruitze zait halako egun bat erabiltzia protestak iteko, azken fiñen, lau haizeta zabaltzeko metodotako bat da hau. Batzuk herriyan izena ta ospia lortzeko erabiltzeue, bestek beayen egoera salatzeko. Ez al da normala? Pintadak aldea batea utziz beti're klaro... Ze pintadataz aparte eon dia aldarrikapen geyo ezta? Baño bakigu, beti parte txarrena billatu ber da benetakuai interesa kentzeko...

pintadek (berri txarrak)

mikel aranzabal — 2008/04/20 20:31
semaforo baten bat lotsagorritu egin da jaio nintzen hiria mirestu dudanean, nahiz parkingak dauden orain gure historiaren sotoetan. ta "kolore arrotz hauek", oihuka diote batzuk, errezago luketeela berdin pentsatuko bagenu. ezjakintasunaren fanen bat harritu egin da jaio nintzen hiria mirestu dudanean, nahiz hiperrak dauden orain aldirietan zaindari. ta "kolore arrotz hauek", oihuka diote batzuk, errezago luketeela berdin pentsatuko bagenu. pintadek esan ohi dute paperek isiltzen dutena. ta diglosi behartuak oihuka, orruka dio: batzuk, errezago luketeela berdin mintzatuko bagina. pintadek esan ohi dute paperek isiltzan dutena.

alperrik da

pfff — 2008/04/20 21:14
Etzakela pentsatu hemen filosofatzen hasteagatik bestek baino gehio dakikela eo pintadan kontuakin arrazoi dakakela,egia esan, gauzak normal idatzitare esan nahi dana ulertzea eta.horrenbeste kexu izaten dituzue oriyon egiten hari dien eraikinegatik edo leku berdeak kentzeagatik,edo gauza bat edo besteagatik,eta herri osoa betiko lau hitz jartzeko pinturaz estaltzeak ez al dizuete inolako begiko minik jartzen?Gero naturaren aldekoak izango zeate zuek, eta horren alde borrokatzen dezuela esango dezue;alperrik danakin alperrik da...

En fin...!

Patxi — 2008/04/21 10:04
Betikoak betiko moduan... zer egingo diogu ba, dena dela, karkarak edo iritzi emaileak berdin zait, detalle txiki bat omititu dute: ni plazan nengoen antzerkia hasi zenean eta gazteek txistuak ere jaso zituzten herriko jende ugariren aldetik beren espektakulua burutzen ari zirela...

patxiri

herritarra — 2008/04/21 13:00
Bakoitzak nahi duena egiteko eskubidea du beti ere besteen eskubideak errespetatu eta gertatutakoa aldrebesten ez duten bitartean. Irakurri dudanaren arabera, karkarak berak albistean dio pankarta igotzeagatik auzipetu dituztela 7 hauek, eta hori ez da horrela, pankarta igotzeko ahaleginetan udaltzainak kaltetuak izan direlako da, naiz eta diskutigarria izan pankarta igotzeko alkatearen debekua bera, eta bestalde, egun horretan gertatutako ez zuten parodiatu, beraiek nahi izan zutena bakarrik parodiatu zuten, asmatua alegia, plazan zegoenak eta plenoan gertatutakoaren berririk ez duenak, ertzantzagatik jipoituak edo intimidatuak izan zirela pentsa baitezake, eta hori ez zen horrela izan, 7 gazte hauek izan ziren indarra erabiliz, pankarta udaletxera igotzea lortu zutenak, eta ertzantzak identifikatu soilik egin zituen, baina noski, ertzantza beraiek baino indar gehiago zutenez hoiek bai erabili zuten indarkeria, baina gaztetxoek ez. AUTOKRITIKA GEHIAGO ETA NEGAR GUTXIAGO.

Herritarrari

Patxi — 2008/04/21 17:19
Ez daukat oso argi zergatik zuzedu didazun neri zure iritzia, baiña erabat ados nago zuk jarritakoarekin. Beste gauzatxo bat karkarari: ez al duzue egin behar Julioren rekorraren aipamenik? Arratsaldeko zortziretan polikiroldegian izan giñenok zuzenean ikusi genuen, baiño ustet etzala jende asko enteratu.

Proposamena

neska — 2008/04/21 18:15
Arratsalde on guztioi. Lehenik, esan, eztabaida askotan izaten den giroa asko atsegin ez badut ere, gustora jarraitzen dudala foroa. Aukera polita ematen digu Karkarak, iritziak trukatzeko. Ados egon edo ez, gustoko dut jendearen iritziak irakurri eta hausnartzea. Zoritxarrez, bada sinadura bat edo beste, giroa txartzea eta jendea elkarren artea hasarraraztea beste helbururik ez duena. Edo hori dirudi, ezta P………? Nire proposamena, halakoei ez erantzutea da. Garrantzirik ez ematea, beren jokoan ez sartzea horixe besterik ez baitu/te nahi. Aspertuko da/dira.

Erantzuna gehitu

Beheko formularioa betez erantzun bat utzi dezakezu

(Beharrezkoa)
Esaiguzu zure izena
(Beharrezkoa)
(Beharrezkoa)
(Beharrezkoa)
Idatzi irudiko hizkiak beheko kutxan. Spamari aurre egiteko captcha metodoa da hau.