Garikoitz Mendizabal txistulariak eta Xabier Zabala musika ekoizleak kontzertua eskainiko dute, ostiralean, azaroaren 11n, 18:00etan, kultur etxean. Mendizabalek txistua, silboteak eta txirulak joko ditu, eta Zabalak teklatua eta eskusoinuaz gain programatutako doinuak ere erabiliko ditu.

Bihurrikeritan diskoko txistu bakarlarientzako doinuak eta eta Xabier Zabalaren hainbat doinu berri uztartuko dituzte Txistu birtuosoa eta sentimenduak bat eginik. Betiko eta betirako izendatu duten ikuskizunean. Aspalditik datozkigun doinu birtuoso eta bihurriak tankera lasaiagoa duten beste batzuekin entzuteko aukera izango da.

Tradizioa eta etorkizunak bat egingo dute emanaldi horretan. Txistuaren bilakaera mugatu duen tradizio horretatik abiatuta, gaurkotasun kutsua eman nahi izan diogu. Beraz, betiko txistua eta bide berriak proposatzen dizkizuegu, diote musikariek ikuskizuna aurkezterakoan. Ordubete pasako emanaldian, bide batez, lortu nahi duten helburuetako bat da txistuarekin nostalgia, itxaropena, tristura eta alaitasuna bezalako sentimenduak kanporatzea.