Harribil dantza taldeak estrainekoz eskaini zuen larunbatean, 22:00etatik aurrera, Urratsen oihartzuna emanaldi berria. Karela kiroldegian izan zen dantza saioa eta guztiz bete zen, sarrera guztiak aurrez salduta baitzeuden.

23 dantzari izan ziren oholtza gainean: M. Arriola, L. Arruti, M. Atorrasagasti, I. Aiestaran, I. Barrenetxea, I. Berasaluze, E. Erkizia, A. Errasti, L. Esnaola, M. Esoain, M. Ibarbia, L. Iturralde, A. Iturzaeta, I. Lizarralde, A. Madariaga, A. Mateos, O. Mujika, E. Oliden, J. Orella, E. Saizar, A. Sarasola, L. Sarasola eta A. Urkizu.  J. Itxasok, berriz, ezin izan zuen parte hartu.

Ordu bete inguru iraun zuen dantza saioak eta ikuslegoa bereganatzea lortu zuen, txalo zaparradek hala adierazi zuten.