Hemen zaude: Hasiera → Albisteak → Ibaia plastikozko gurpiltxoz josia dago
Dokumentu Akzioak

Ibaia plastikozko gurpiltxoz josia dago

2010/02/23

Orioko Surf Taldeak, Herrio Natur Taldeak eta Muskuilu Harria Elkarteak eman dute kutsaduraren berri

Oria ibaia kutsatuta dagoela jakinarazi dute Orioko Surf Taldeak, Herrio Natur Taldeak eta Muskuilu Harria Elkarteak erredakziora bidalitako gutun baten bitartez. Horrela dio mezuak, hitzez hitz:

Azken bi hilabeteetan Orioko errio bazterrean gurpiltxo formako milaka plastiko azaldu dira. Plastikozko pieza txiki hauek zentimetro bat bider zentimetro bateko neurria dute. Oria ibaiak egunez egun ekarri  ditu itsasadarreraino.

Eskutitz honen bidez kutsadura honen ardura nork duen jakin nahi dugu eta, bide batez, Orioko herritarrok dugun kezka adierazi.

Gai honetan adituak direnek ziurtatu digute plastikotxo hauek Oria ibaiaren bazterren batean dagoen araztegi batetik ihes egin dutela.

Orioko ingurugiro zinegotzia eta itsasertz mugarteko departamentua (Costas bezala ezaguna dena) jakinaren gainean daude. Guk, dagokien erakunde publikoek gertaturikoaren arduradunak salatzea eta zigortzea eskatu  nahi dugu lerro hauen bidez, eta, bide batez, hau berriro gerta ez dadin neurriak hartzea eskatzen dugu. 

plastikozko gurpiltxoak

Oier Garmendia — 2010/02/23 15:57
uste det etbn ere arazo berdina erakutsi zutela, baina kasu hontan bizkaiko kostan

plastikozko gurpiltxoak2

jon beldarrain — 2010/02/23 23:52
Arazo hau ez da Orio edo Euskal Herriko kontua, Bretañako kostatik hasi eta Portugal arteko kostaldean azaldu baitira plastikozko gurpiltxo hauek. Gehiago jakin nahi duenak, hemen du informazio gehiago: http://www.alaplaya.com/index.php?option=com_content&view=article&id=232:quesitos-plastico&catid=38:alp-ecologia&Itemid=72

Beldarraiñi!!

Andoni Fdz. Ostolaza — 2010/02/24 11:28
Egunon: Arazoa askorena dela argi dago, baina gurea ere bada. EZ? Oriokoak Oria ibaitik datoz, inongo dudik gabe. Zarautzen eta Donostian ere badira baina oso kopuru txikietan. Korronteak emendik eramanda!! Gañea jakin badakit, Oria Ibaiak ekartzen dituenak, depuradora batetik aldegindakoak direla. Noski mundu guztikoak ez dira Oriotik irtendakoak, depuradora asko dago eta gehiagok ere gaizki egin dezakete.

andoniri

jon beldarrain — 2010/02/25 10:14
Egun on Andoni: Hasteko, zuen gutunean idatzi duzuenarekin ados nagok! Hik esaten duan moduan, gurea ere baduk arazoa, horixen! Arazoa globalizatu nahiarekin ez diat Orioko kasua gutxietsi nahi izan, bai zera. Niri ere Oria ibaiko araztegi horren arduragabekeria benetan kezkagarria iruditu zaidak hasieratik, amorru latza eman baitzidak axolagabe batzuk horrela kutsatu izana gure itsasadarra. Baina, Karkarako notizi hau irakurri ostean "alaplaya"-ra sartu nauk kasualitatez eta arazo bera Europar hego-mendebaldeko itsasertze osoan errepikatzen dela konturatu nauk. Mina eta amorrua areagotu egin zaidak, orduan ohartu bainauk Oria ibaiko arduragabekeria hau ez dela izan kasu soil bat!! Hasieran diok "argi dagoela arazoa askorena dela" eta nik behintzat ez nian argi "alaplaya"-ko berria irakurri aurretik. Horregatik idatzi nian foroan, herritarrek informazio hori eskura izan zezaten. Kontu honekin bukatzeko, zuen idatzi amaieran esaten duzuten bezala, gurpiltxo horiek isurtzen dituzten araztegiko arduradunak zigortzeaz gain, kasu hau berriz errepika ez dadin neurriak hartzea iruditzen zaidak logikoen niri ere! Egun ona izan!!

Egin login erantzunak uzteko. Erabiltzailerik ez baduzu, sortu zurea

Ibaia plastikozko gurpiltxoz josia dago

Argazkia: Herrio natur taldea