Martxoaren 1eko arratsaldeko 18:30ak inguruan sua piztu zen Iturbide kaleko 7 zenbakiko garajean. Sortutako kearen ondorioz, goiko etxebizitza eta lokalak hustu egin behar izan zituzten. Kalteak baloratzeko dauden arren, auto bat kiskalita geratu zen eta suteak argirik gabe utzi zuen kalea. Iberdrolak egindako konponketak medio, egun berean errekuperatu zuten argia etxebizitzetan; kaltetutako garajeak eta gaineko lokalek, ordea, argi indarrik gabe jarraitzen dute oraindik.

Kalte pertsonalei dagokienean, egoerak eragindako urduritasunarengatik bizilagun batzuk artatu zituen DYAk, baina ez zen zauriturik izan.

Suhiltzaileek sutearen zergatia oraindik argitu ez badute ere, zantzu guztien arabera, zirkuitulaburra dirudiela adierazi du Orioko udaltzaingoak.