Festa handiaz gozatzen ari dira Aiara hurbildu direnak gaur. Sortzen-Ikasbatuazek antolatutako festa eguna oso ondo doa. Mendi ibilaldia egin ondoren, bostehun lagun baino gehiago elkartu dira dema plazan jaialdian parte hartzeko. Lardizabal eskolako ikasleek Behin Betiko eta Txanogorritxu abestiekin eman diete ongietorria. Jarraian, Gipuzkoako zenbait ikastola eta eskolako ikasle, guraso eta langileen emanaldiak izan dira : txistulariak, abeslariak, dantzariak, bertsolariak, musikariak… Horrez gain, Porrotx, Txapas, Jon Maia eta Sustrai Colinaren laguntza izan dute, festa alaitzeko. Herri kiroletan jardun ondoren, bazkaltzera joan dira guztiak, 160 heldu Kanuan eta gaztetxoak frontoian. Eta ondo bukatuko dute eguna antolatutako erromeriarekin,  Lasarteko Amalur trikiti taldearen eskutik.