Oriotarrek denetariko emaitzak lortu zituzten igandean Gipuzkoako Batel Txapelketan, Pasai San Pedron 
Jubeniletan aritzen diren mutilak txapeldun bilakatu ziren. Gorka Jimenok, Ekain Zubizarretak, Hodei Alkortak, Andoni Camposek eta Unai Sarasola patroiak osatutako koadrila urrezko domina banarekin itzuli zen etxera. Senior mailako mutilek ere lan txukuna egin zuten, 2. postua eta zilarrezko domina bana lortuz. Infantil-kadeteetako neskak 3. postuan sailkatu ziren brontzezko domina bana eskuratuz. Infantiletako mutilak 5. izan ziren eta kadeteak, berriz, zilarrezko dominarekin itzuli ziren etxera, 2.  denbora onena eginda.

Argazkiak: Joxemari Olasagasti