Zaragueta eskolako ikasle eta irakasleek goizean ekin diote Inauteriak ospatzeari. Hasteko, herriko kaleetan barrena ibili dira kaldereroen konpartsarekin. 10:00ak aldera eman diote hasiera kalejirari, Zaraguetan. Kazolak eta zartaginak ondo astinduz,  traktoreak tiratako karroza eta guzti, jai giroan  agurtu dituzte kalean zebiltzan herritarrak. Eskolara bueltan dira une hauetan.

Bazkalondoan ere, festa giroa nagusi izango da Eskolan. Izan ere, haur, guraso eta irakasleentzako jokoez gain,  txokolatada ere izango da hurbiltzen diren guztientzat.