Kepa Loidi harategiko txistorra garaile izan da gaur Donostian izandako txistorra txapelketan. Aurtengoarekin bigarren aldia du Orioko harakinak Santomas egunez egiten den lehiaketa entzutetsua irabazten duena. Gustura agertu da Kepa, batez ere, epaimahaia zeintzuk osatzen zuten kontuan hartuta: Pedro Subijana, Juan Mari Arzak, Juan Jose Castillo, Eneko Argiñano…
Aipatu digunez, astero 1000 kilo inguru ekoizten dituzte. Atzo, esaterako, 500 kilo prestatu zituzten.

Ez hori bakarrik, herenegun, Ordiziako ferian izandako txapelketan bigarren saria jaso zuen Loidik. 38 lehiakide aurkeztu ziren bertan.