Orioko Udaleko Ekintza Ekonomikoak eta Enplegua batzordeburuak bilerara deitu ditu nekazaritza eta arrantza sektoreetako eragileak. Bi sektore horien egoera suspertzeko ahaleginetan, eragileen iritziak jasoko dira eta bide batez, 2009ko aurrekontuaren eztabaidara eramango. Urriaren 16an bilduko da nekazaritza alorrekoekin eta 23an arrantzakoekin. Kultur etxean izango dira batzar biak, 19:30ean.

Udal iturrietatik jakinarazi dutenez, batzar horiek irekiak dira eta edonork har dezake parte.