Oiana Blanco Parisen izan da pasa den asteburuan, Ville de Paris izeneko txapelketan. Adituen ustez kontinenteko txapelketariko gogorrena da Frantziakoa. Paris-Bercy pabilioian bildutako 15.000 mila ikusleren aurrean, Irina Erhan moldabiarra izan zuen lehen arerioa. Ibai Peñak jakinarazi diguez, sekulako hasiera eman zion Oianak borrokaldiari eta Ippon seoi-nage azkar batez irabazi  zuen bigarren hajime  edo txandan.
Bigarren borrokaldiak parez pare jarri zituen oriotarra eta, egun munduko txapeldunorde den, Yanet Bermoy kubatarra. Saioa nahiko berdinduta hasi zuten biek eta zenbaitetan oriotarra nagusi izan zen arren, azkenean, ezin izan zuen kubatarra gainditu.

Judoka gazteak Parisen jarraitzen du uneotan datorren asteburuan Vienan jokatuko den Worl Cup-erako prestatzen. Txapelketa hau aukera Pekingo olimpiar jokoetarako txartela lortzeko bidean aukera polita izan litekeela aipatu digu informazioa bidali digun Ibai Peñak.

Informazio gehiago: www.jcusurbil.com