Bihar ostiralean, maiatzaren 14an, Petti eta Joseba Irazoki beratarren emanaldiak izango ditugu Txalupa musika antzokian.

Existentzialismotik zirrara sortarazten duten kantuen sortzailea da Petti. Eraginez hitz egitekotan Billy Bragg, Tim Buckley edo Nick Drake aipatu behar dira, Nick Cave edo Tom Waitsen ondoan. Ezin zaio aurkitu Euskal Herriko kantautoreekiko antzekotasunik, gure eszenan bakarra baita bai kantatzeko modu ilun eta trinkoan zein gitarra zarrastatzeko moduan –http://www.myspace.com/pettibasque–.

Joseba Irazoki, berriz, Athom Rumba, Rafa Rueda, On Benito, Mikel Erentxun eta beste talde askotan kolaborazioak eginda ere, musika propioa egiteko astia eta gogoa geratzen zaion sortzaile bikaina da. Felix Buff bateria-jotzaileak lagunduko dio ostiraleko kontzertuan, lan berria aurkezteko –http://www.myspace.com/josebairazoki–.

Kontzertua 22:30ean hasiko da eta 5 euro balioko du sarrerak.