Gaur bost urte, 2003ko apirilaren 9an, hil zen Jorge Oteiza, Donostian. Haren heriotzaren 5. urtemugaren aitzakian, Nafarroako Altzuza herrian dagoen museorako sarrera doan izango da. Aukera polita "Oteiza 1908-2008" izeneko erakusketa edota bere lantegi-etxea bisitatzeko.
Bestalde, hil zela 5 urte ez ezik aurten betetzen dira ehun urte Oteiza jaio zela ere. Hori dela eta, hainbat ekitaldi antolatu ditu Oteiza Museoak. Ekainean, esaterako, Oteiza, laborategi experimentala izeneko erakusketa zabalduko da.