Gabon festa hauetan izango da zeregina herrian. Udalak, Arkupek, Txurrumuskik eta Talai Mendik  egitarau zabala osatu dute egun hauetarako.

Hona hemen Gabonetako programa:

- Abenduaren 22an: kotxe-pedaleak, trizikloak eta patineteak izango dira haurrentzat ikastola aurrean edo pergolan, eguraldiaren arabera. 17:00etatik 19:00etara.

- Abenduaren 23an: Salatxo abesbatzaren kontzertua izango da elizan, 12:00etako meza nagusiaren ondoren.

- Abenduaren 24an: ikastola eta eskolak kalez kaleko saioa eskainiko dute 10:45etik aurrera.

- Abenduaren 24an: herriko eragileak Gabon eskean arituko dira. Herritarrei parte hartzeko deialdia egin die. 17:00etan plazatik aterako dira.

- Abenduaren 24an: Olentzeroren etorrera, haur jolasak, txokolatada eta Egunsenti otxotearen kalez kaleko emanaldia Arkupek antolatuta, plazan, 16:30etik aurrera.

- Abenduaren 26an: globoflexia, globo mezulariak eta txokolatada izango dira plazan haurrentzat, 17:00etatik 19:00etara.

- Abenduaren 27an: joko tailerrak eta mahai jokoak haurrentzat, plazan, 17:00etatik 19:00etara.

- Abenduaren 28an: txiki-txokoa, 0tik 3 urte bitarteko haurrentzat, eta tailerrak, kultur etxean, 11:00etatik 12:00etara.

 
- Abenduaren 28an:Benito Lertxundiren kantaldia Karela kiroldegian, 22:00etan.

- Abenduaren 29an: zirko tailerra plazan haurrentzat, 17:00etatik 19:00etara.

- Abenduaren 29an: Herribil 3 dantza ikuskizuna Karela kiroldegian, 22:30ean.

- Abenduaren 31n: San Silbestre lasterketa, 12:00etan.

- Abenduaren 31n: txistulariak eta ttuntturroak Arkupek Txurrumuskiren laguntzarekin antolatuta, 09:00etan.

- Urtarrilaren  2an eta 3an: Gabonetako haur parkea Karela kiroldegian, 11:00etatik 13:00etara eta 16:00etatik 20:00etara.

- Urtarrilaren 4an: antzinako jolasak haurrentzat plazan, 17:00etatik 19:00etara.

- Urtarrilaren 5ean: Erregeen kabalgata, Talai Mendi M.E.k antolatuta.