ELA sindikatuak urteko batzarra egin du Orion Urola kostako eskualdeko ordezkariekin. Goizeko 09:00etan hasita, 45 lagun inguru elkartu dira kultur etxean. Bertan izan da sindikatuko nazioarteko idazkaria den Laura Gonzalez de Txabarri ere.

2009ko balantzea eginez hasi dute saioa, jarritako helburuak gogoratuz eta aztertuz. Jarraian, aurtengorako finkatu dituzten eginbeharren plana eman dute aditzera. Bertaratuei hitza emanaz bukatu dute batzarra, galdera eta erantzunen tartearekin.