Zaragueta eskolan martxoaren 31n irekiko du datorren ikasturterako matrikulazio epea. Seme alabak eskolan matrikulatu nahi dituzten gurasoek apirilaren 11 arteko epea izango dute eskabideak bertan entregatzeko. Ikastetxe barruko instalakuntzak edota bertako funtzionamentua ezagutu nahi dituztenek bestalde, 943 89 40 52 zenbakira deitu besterik ez dute egin beharko bisitarako eguna eta ordua zehazteko. Zaragueta eskola bertatik bertara ezagutzeko beste aukera ere izango dute interesatuek apirilaren 5ean ateak zabalik eguna izango baita goizez.