EAJk lau ordezkari ditu Udalean legealdi honetan: Jon Redondo, alkatea; Noemi Ostolaza, Gizarte Politika eta Kultura, Gaztedia eta Festak batzordeetako burua; Martxiel Genova, Hazienda, Pertsonala eta Kalitate batzordeko burua eta Angel del Hoyo, Gertutasuna, Giza Baloreak eta Herri Antolaketa batzordeko burua.

Gai ugari eta garrantzitsuak dira lantzeko ditugunak, gogotsu gaude eta herriari emateko asko dugunaren ziurtasuna dugu. Gure ardurapean dauden arloak ez dira nolanahi aukeratuak izan, arlo horientzat lanean jarduteko jende aproposena dugulako aukeratu ditugu, esperientziazko jendea gaiaren ezagutza handiarekin, eta horretaz guztiaz gain, lanerako gogo handiarekin.

Hasierako mezu honetan, gure aurkezpena egin nahi genuen, aurrerantzean elkarren berri gehiago izango dugu.