Oso ona Torrotxo! Akats txiki bat bakarrik ikusi zioat hire artikuluari. Zubietan jarri behar badute, zazpi kmra egongo duk. Ez diat esan nahi Via Michelinek kmak gizendu dituenik, baina ikastolan erakutsi zigutena hala bada, keak ez dik kurbarik hartzen!

Gutxienez 41 euskal preso politiko bisitarik gabe gelditu dira asteburu honetan Espetxezainek beste behin ere bisitara joandako senide eta lagunak miatzeari ekin diote, eta hauek uko egitean bisitarik gabe utzi dituzte: Algeciras-eko espetxean dauden 4 preso politikoen senideek ezin izan dute aurrez aurreko bisitarik egin. Txanda berbereko lehenengo hiru senideei raketa pasa diete funtzionarioek, bisitara sartzeko asmoarekin. Laugarren senideari, mihaketa fisikoa egin behar ziotela esan diote funtzionarioek, eta horretarako gela batean sartu behar zutela. Senidea ukatu egin da eta bisitarik gabe geratu da. Bisitara zihoazten beste hiru senideak konturatu direnean, beraiek ere uko egin diote bisitari. Puerto III-ko espetxean, gozieko 10etako txandan 2 presoren senide mihatu nahi izan dituzte eta ukatu egin dira. Zehazki Jose Mari Dorronsoro eta German Rubenach-en senideak izan dira bisitarik gabe geratu direnak. 12etako txandan, Arkaitz Bellon presoaren senidea ere bisitarik geratu da arrazoi berberangatik. Albolote-ko (Granada) espetxean 5 presoen senideak aurrez aurrekorik gabe geratu dira. Presoak, Premi San Pedro, Igor Gonzalez, Jose Mari Olarra, Antzon Sasiain eta Oskarbi Jauregi dira. Alicante-ko espetxean 2 presoen senideak aurrez aurrekorik gabe geratu dira. Horietako batek, Agurtzane Izarzaren mutil laguna, goizeko 8:30etan aurrez aurrekoa galdu du. Eta 11:30etako bisita arruntara sartzeko lau Guardia Zibilengatik izan da mihatua. Dirudienez, 8:30etako aurrez aurrekoan gartzelariarengatik mihatzen ez uzteagatik. Guardia Zibilek esan omen dio hemendik aurrera gartzelariek ez badituzte mihatzen, beraiek izango direla mihatuko dutenak. Gerora bisita arrunta egin ahal izan du. Soto del Real-eko espetxean 4 presoen senide aurrez aurrekorik gabe geratu dira. Algeciraseko espetxean antzera, lehenengo hiru senideak ez dituzte mihatu, eta laugarrena mihatu nahi izan dute. Honek gartzekariei galdetu die ea zergaitik aurrekoak arazorik gabe sartu diren eta ea bera zergaitik mihatu behar zuten, eta gartzelariak erantzun dio hemendik aurrera mihaketen kontua aleatorioa izango dela. Arazorik gabe sartu diren hiru senideak gertatutakoaz konturatu direnean, beraiek ere bertatik irten eta bisitari uko egin diote. Presoak gertatutakoaz konturatu direnean, ez dakigun zerbait gertatu da, eta espetxeko isolamenduan bukatu dute (Presoak: Xabier Lujanbio, Aitor Kortazar, Ismael Berasategi eta Mikel Onko) Huelva-ko espetxean 5 presoen senideak aurrez aurreko gabe geratu dira. Gainontzeko bisitak normalak izan dira, eta senide/lagunak bisita gelan zeudela, eta presoi gainontzeko aurrez aurrekoekin gertatu denaz informatu dietenean, presoek uko egin diote bisitari. (Huelvako preso politiko guztiak bisita edo aurrez aurrekorik gabe geratu dira). Teruel-eko espetxean 2 presoen senideak aurrez aurrekorik gabe geratu dira. Herrera-ko espetxean 5 presoen senideak aurrez aurrekorik gabe geratu dira. Almeria-ko espetxean 3 presoen senideak aurrez aurrekorik gabe geratu dira. Villena-ko espetxean ostiralean bisita galtze bat eman zen, eta gaur beste bi. Dueñas-eko espetxean 4 presoen senideak aurrez aurrekorik gabe geratu dira.