2007ko maiatzaren 27an Oriotarrok Ezker Abertzaleari boza emateko aukera izan genuen.

Beste 133 herri eta hirietan ez zuten aukera hori izan.

ILEGALIZAZIOA EZ DA BIDEA!

DEMOKRAZIA ZERO EUSKAL HERRIAN!

Atzo, Garzonek Portugaleteko EAE-ANVren egoitza itxi izanak argi uzten du "salbuespen egoera" batean dagoela Euskal Herria.

Aurreko astean, Arrasateko alkatea atxilotu zuen. PNV-PSOEren mozioak lortu ez zuena Garzonek egin du. Hamaika gazteren kontrako sarekadak...

Beste behin ere, Euskal Herriak Marko Demokratikoa behar  duela azpimarratzen dugu.

PNV-PSOE, ez gaituzue ixilduko!  INO ASKATU!!

Ostegunean, maiatzaren 8an, arratsaldeko 20:00etan, herriko plazan, konzentrazioa egingo dugu, animatu eta parte hartu.

Gaur arratsaldeko 20:00etan Orioko Herriko Plazan Udalbiltzaren aldeko konzentrazioaren deialdia luzatzen dugu. Udalbiltzaren aurkako erasoaren bostgarren urtemugan dela medio euskal gizarteari mezua helazari nahi dio.

Bai Udalbiltzari, bai Euskal Herriari. Animo eta aurrera!

1999ko Irailean “UDALBILTZA, Euskal Herriko Udalen eta Udal Hautetsien Biltzarra”, nazio-instituzioa sortu zenean bost printzipio eta helburu bere gain hartu zuen, hala nola,

Ø      Euskal Herria nazio gisa aldarrikatzea, bai Euskal Herrian bai nazioartean

Ø      Beronen egituraketa politikoa eraikitzen laguntzea

Ø      Nazio eraikuntza bultzatzea

Ø      Eta udalerrien arteko harremanak eraikitzen laguntzea hizkuntzaren, kulturaren, kirolaren, ingurumenaren, lurralde antolaketaren, ekonomiaren garapenaren eta ongizatearen alorrean besteak beste.

Helburu hauek zazpi lurraldeetako ia 1.800 udal hautetsik aho batez erabaki zituzten.

Helburu hauen gauzapenean, nazio eraikuntza praktikoan hainbat ekimen eraman ditu aurrera. Zailtasunak zailtasun, oztopoak oztopo, zatiketak, konpromiso maila eta atxikimendu maila ezberdin egonik ere, oparoa izan da UDALBILTZAk egindako jarduna eta aurrerantzean jorratu beharreko bidea erakusgai utzi du gure gizartean. Hor daude adibidez:

Ø      euskara eta hezkuntza arloan Kontseilua, Ikastolen Konfederazioa edota Sortzen-Ikasbatuaz-ekin sinaturiko elkarlan hitzarmen estrategikoak;

Ø      Hizkuntza Eskubideen Behatokiaren sorrerari emandako bultzada;

Ø      Euskal Herriko Naziotasun Aitormena agiria;

Ø      Xiberoa Garatzen egitasmoa herrialdeak bizi duen despopulazioari aurre egiteko;

Ø      2002ko abenduan ospaturiko Herrien Eskubideen aldeko Nazioarteko Konferentzia, bost kontinenteetako ordezkariak bildu zituena;

Ø      Euskal Herriaren Eskubideen Karta;

Ø      ‘Euskal Herria demokraziaranzko eta bakeranzko bidean’ izeneko agiria;

Ø      Nazio Eztabaidagunea sortzeko proposamena;

Ø      Nazio Garapenerako Biltzarrarekin elkarlanean nazio planeko egitasmoak

Ø      eta beste abar luze bat.

Azpimarratu beharra dago guztion artean onarturiko bost printzipioen itzalean garatzen direla.

Bide oparo hau zapuztuta geratu zen 2003ko Apirilaren 29an Madrileko Auzitegi Nazionalak polizia nazionalarekin batera burutu zuen erasoagatik. Egun hartan UDALBILTZAk Astigarragan, Iruñean eta Bilbon zituen egoitzetan sartu, materiala eta ordenagailuak hartu, egoitzak prezintatu, kontu korronteak blokeatu, Zuberoaren garapen egitasmoak bultzatzeko herritarrengandik bildutako 400.000 euroak lapurtu, UDALBILTZA eta Euskal garapen eta Kohesio Fondoari suspentsioa ezarri eta 13 pertsona atxilotu eta espetxeratu zituen, UDALBILTZAko arduradunez gain bertako langileak ere bai. Nazio eraikuntzan, udalen arteko elkarlanean emandako urratsak geldiaraztea zen eta da beraien helburua. Horregatik UDALBILTZAren aurkako auzia bizkortu eta iada epaiketaren atarian gaude. Sumario honetan 22 pertsona daude inputatuta eta zigor eskaerak 10 urtetik 23 urtetara iristen dira. Sumario honetan jasotzen diren delituak goian aipaturiko ekimenak baino ez dira, besterik ez da azaltzen. Desitxuratu egiten da UDALBILTZAren izaera instituzionala, herri eta udal oinarria duela ezkutatu nahi dute. Euskal gizarteak aukeraturiko Udal-hautetsiez bakarrik osatua dagoela eta erabakiak zinegotzi zein alkateek bakarrik hartzen zituztela estali egin nahi dute.

Erasoaldi horren bosgarren urtemuga ospatzen den egun honetan zera adierazi nahi diogu euskal gizarteari:

1.                             Amets gaizto honetan harrapatuta dauden 22 hautetsi-ohi eta langileei gure elkartasuna eta berotasuna adierazi nahi diegu. Egun hauetan burutzen ari den mugimendu antierrepresiboaren aurkako epaiketan dauden pertsonei eta eskubide zibil eta politikoak zapuzten dituzten sumarioetan dauden inputatu guztiei gure elkartasuna eta berotasuna adierazten diegun moduan.

2.                             Elkartasun dinamikek eraginkorrak izan behar dute, ezin daitezke hitz hutsean edo argazki hutsean geratu. Konpromiso eta esfortzu zehatzak eskatzen dituzte, Auzitegi Nazionaletik datorren bidegabekeria salatzeko, bere izaera antidemokratikoa agerian uzteko eta UDALBILTZA instituzioa gure ondare gisa defendatzeko.

3.                             Epaiketa honetan 22 pertsona hauetako espetxe zigorraz gain, UDALBILTZA eta Euskal Garapen eta Kohesio Fondoaren disoluzioa eskatzen da. Hau da, euskal instituzionalizatze dinamikak, eraikuntza nazionaleko dinamikak, udalen arteko auzolan ekimenak kriminalizatzea bilatzen du. Eta kriminalizatze honek bere eraginak zabaldu ditzake gaur egun salbu sentitzen diren alderdi politiko zein eragile sozialengan ere.

4.                             Horregatik horren garrantzitsua da aldarrikatzea: UDALBILTZA herri honetako gehiengo politikoaren babesarekin sortu eta ezaugarritu da; UDALBILTZA beharrezkoa da gure etorkizunean aurrera pausuak emateko; UDALBILTZA udaletatik abiatzen den euskal instituzioa da; UDALBILTZA euskal gizartearen eta udalen ondarea da, beste inorena ez; UDALBILTZAk Euskal Herria aintzat hartzen duten pentsamolde politiko guztien orubea izan behar du; UDALBILTZA ez da alderdi politikoa batzuen tresna, herri eta udal sustraiak dituen nazio instituzio bakarra baizik; UDALBILTZAK desadostasunak bere barnean jaso behar ditu, instituzioari berari errespetua zor zaion bitartean; UDALBILTZA defendatzea ezinbestekoa da.

5.                             Arrazoi guzti horiek kontutan hartuta, orain dela bost urte abiatutako sumarioan dauden 22 pertsonei babesa emateko eta ilegalizazioaren arriskuaren aurrean UDALBILTZA defendatzeko bide eraginkor bakartzat UDALBILTZA berrindartzea jotzen dugu. Eta alderdi ezberdinetako abertzaleak eta udal-hautesiak deitzen ditugu konpromiso sendoa hartu dezaten berriro ere UDALBILTZA zutitu dezaten, “UDALBILTZA gure euskal instituzio nazionala da eta gure ondarea, gurea bakarrik” aldarrikatu dezaten, eta kontsekuente izanik, eginkizun honetarako behar diren konpromisoak aktibatu ditzaten.

Euskal Herrian, 2008ko Apirilaren 29an.

UDALBILTZA

www.udalbiltza.net

Izenburuak dioen bezala, horixe dugu, martxoaren 4ko Udalbatzan, gazte batzuk eta udaltzainek izandako tirabiren azken ondorioa. Zazpi gazte hauek Donostiako epaitegian aurkeztu beharko dute apirilaren 23an, udaltzainek berek egindako salaketaren ondorioz.

Udaltzainen errua da, edo Jon Redondo alkatearen agindu baztertzailea eta adierazpen askatasunaren aurkako aginduari jaramonik ez egitearen ondorio bat? Hori baita agindu horren funtsa.

Guzti honen helburua Muntoko gaia (baita herriari iruzur egitea ere) ahalik eta isilen joan zedin zen. Eta horretarako eman zuen agindua. Gazteek ez zuten onartu eta espero zena gertatu zen.

Hala eta guztiz ere, garbi adierazten dugu 7 horietatik batzu ez zirela iskanbila horretan zain. Hor dago bideokamera, baina, zer kasualitate! Egun horretan ez omen zuen funtzionatzen. Non geratzen da udaltzaingoaren sinesgarritasuna?

Gu saiatu ginen gaurko egoera hau ekiditen, gauzak aurrera joan ez daitezen eta bilera bat bultzatu genuen horretarako, alderdi guztiak, udaltzainak eta gazteak gonbidatuz. Bilera horretan bere borondate ona erakutsi zuen bakarrak gazte taldea izan zen. Horren lekuko izan zen martxoaren 31ko udalbatzarrean OKK gazte asanbladak aurkeztu zuen mozioa. Bertan, autokritika bat egiten zuten eta, aldi berean, berdina eskatzen zioten alkateari. Mahaian geratu zen eskaera hau:

5 bozka alde ( 3 EAE-ANV + 2 EB/ARALAR)

                                   5 bozka aurka ( 4 PNV + 1 PSOE)

                                   1 abstentzioa ( EA)

Bigarren eskaera bat ere izan zen: epaiketa honek ekarriko dituen gastuen kargu Udala egin dadila. Hemen ere berdin, bost alde, bost aurka eta EAren abstentzioa.

Azpimarragarria da nola, bai PSOEko ordezkariak eta bai EAko ordezkariak, berriro ere, bere morroi PNVri amen egin dioten. Jakin, badakigu PNVk PSOEri zer eskaini zion: liberazioa eta diru ordaina; baina… Eugenio Cotadori, EAko ordezkariari zer?

Hala eta guztiz, eta alkateak gertakizunaren hurrengo egunean, Hitzan egindako adierazpenen arabera, bera jotzen dugu Udalbatzan gertatutakoaren arduradun nagusi eta erantzule zuzentzat. Bere ankerkeriaren ondorioak jasaten ari dira 7 gazte oriotarrak.

“Aupa Orio!”esaten duzunean, zer Orioz ari zara?

Guk, oriotarrak( pertsonak) ditugu gogoko eta ez zuk/ zuek bezala etxeak, eraikuntzak eta adreiluak.

Orioko herriari adierazi nahi diogu, gertaera hauen harira, EAE-ANV udal taldeak udaltzainekin bilera bat eskatu genuela. Hilabete igaro ondoren, ez dugu haien berririk.

Gure borondatea auzi hau bideratzea da, eta horretarako lanean jarraituko dugu eragile guztiekin, gauzak behar den bezala argitu arte, horrelakorik berriz gerta ez dadin.

Bukatzeko, GURE  ELKARTASUNIK beroena Orioko gazte asanblada eta bertako kide diren 7 auzipetuei. Azken hauek apirilaren 23an, eguerdiko 12:00etan, Donostiko Epaitegian aurkeztu behar dira. Animo guztiei, ea laster arazo larri hau denon artean konpontzen dugu!

Euskal Herriko Koordinadora Feministak  IV. Jardunaldi Feministak antolatu ditu apirilaren 12 eta 13rako. Euskal Herriko Unibertsitateko Nautika Fakultatean izango dira, Portugalete eta Santurtziren arteko mugan.

Aurtengo jardunaldietan landuko diren ildoak honako hauek izango dira:

1. Emakumeok herrian eta munduan.

2. Emakumeok indarkeri sexistari aurre eginez.

3. Emakumeok, gure identitateak eta gure gorputz instumituak.

Bilgune Feministak, EAE-ANVko udal taldearekin batera,  jardunaldi horiei buruz informazioa zabaltzeko asmoz, hitzaldia antolatu du, datorren asteazkenean, apirilaren 9an, arratsaldeko 7etan Orioko Udal Aretoan (goiko bilera gela). Interesatuta dauden emakume zein gizon guztiei, bertan parte hartzeko gonbita luzatzen diegu.

Informazio gehiago: www.jardunaldifeministak.org

Mila esker Orioko herriari!!

Mila esker herri honen alde urrats bat aurrera eman eta Estatu Espainolari PLANTO egin zenioten guztiei!

Euskal Herrian bezala, Orion ere, ABSTENTZIO handia izan zen, %43'95a, hain zuzen. Izan ditzakeen baldintza txarrenetan ere, Ezker Abertzaleak erantzun irmoa eman du, eta aurrerantzean, ziur gaude, gure lana eta jarrera horrelakoa izango dela. Euskal Herria libre eta independientea izateko lanean jarraituko dugu.

Animo eta aurrera independentziaruntz!!

Lehengo asteartean ez-ohiko udalbatzarra izan zen Orioko udaletxean. Ez ohiko gaia, ez ohiko jendetza, baina zoritxarrez, ohiko EAJren jarrera. Jada, zinegotziok eta herritarrok normaltzat ematen baitugu Jon Redondo alkatearen jarrera.

Berriro ere, alkateak muzin egin zion herritarren deiadarrari eta aurrera eraman zituen bere eta EAJren asmo atzerakoiak. Zeren, benetan atzerakoitzat jotzen dugu astearteko Udalbatzarrean onartutako “Muntoko Plan Partziala.

Baina, jakina denez, EAJk gustuko ditu adreiluak eta ez hain gustuko, herria eta herritarren beharrak. Horren ondorio zuzena herritarrek asteartean jasan behar izan zutena: hitz egiteko eskubiderik gabe, beraien haserrea adierazteko gutxi eta gainera kontrolatuak.

Hala ere, desagixatu honetan EAJ ez zen bakarrik egon, izan zuen bai beste bi alderdien laguntza ere. Alde batetik, EAJren sustatzaile tinkoa bihurtu den EAko ordezkari Eugenio Cotado, eta beste aldetik, legealdi honetan EAJk aurkitu duen morroi zintzo eta leiala Jesus Rodriguez, PSOEko ordezkaria. Biak ala biak, EAJren interesekin bat eginda, eta herritarren interesen  aurka. Makina bat ikusteko jaio gara!

Hala eta guztiz ere, ez ziren gauzak horrela amaitu. Zeren udalbatzarra bukatu ondoren, gazte batzuk pankarta bat jarri nahi zutela-eta (zer delitu dago?), udaltzainekin eztabaidak izan ostean, azken hauek Ertzaintzari deitu zioten. Ertzainak etorri, etorri ziren (beltzak eta gerrarako prestaturik) eta  hainbat gazte eta bi zinegotzi identifikatu zituzten taberna batean. Hori egin ondoren, ezer gabe, alde egin zuten. Alkateak bazekien zer gertatzen ari zen, baina azaldu al zen? Ba, ez. Nola ba? Azken finean, gazte batzuk besterik ez ziren.

Hau da, hau dugu, Orioko alkatearen jarrera irekia, hurbila eta demokratikoa.

Alkatearen azken adierazpenei erantzunez.

Azken egunean plazaratutako prentsa oharrean,  gertatutakoa manipulatu eta gezur borobila bota du gure alkateak Udalaren izenean: “oriotar batzuren” eta udaltzainen artekoa tirabira eta hika-mika gogor bat besterik ez zen izan; eta inolaz ere ez ziren bi zauritu egon. Egia esan behar badugu, alkate horren jarrera tiranikoa udaltzaingoa bere esanetara eta bere nahi pertsonaletara eramaten ari da azken boladan, polizi pertsonala balitz bezala eta ez herrikoia. Ondorioz, oharrean dioenez, udalbatzarrean gertatutakoa berriro ez gertatzeko behar diren neurriak jarriko ditu. Zein neurri? Polizia gehiago? Ateak gehiago itxi herriari? Noren izenean? Udala ez da alkatearena bakarrik, alkatea bera, soilik,  ez da Udala. Aginte gosea bururaino igo zaiola eta gerente prepotente bezala (udala enpresa pribatua balitz bezala) jokatzen duela uste dugu. Hori ez da bidea, horrelako jarrerarekin herrian dagoen egoneza eta haserrea areagotzea besterik ez du lortuko. Errespetua aldarrikatu beraientzat (EAJrentzat eta beste zinegotzi laguntzaileentzat) eta herriari zor zaiona ahaztu. Argi dago noren interesak kudeatzen dituten eta hauek guztiak herri honen aurkakoak dira. Eta gero guri azalpenak eskatuko dizkigute! Eta gero, gure bozka eskatuko digute!

Ohikoa denez, hilaren bukaeran, azkeneko asteartean, (urtarrilaren 29an, arratsaldeko 19:00etan) Udalbatzarra izan zen. Hainbat punturen artean, Orioko EAE-ANVko udal taldeak hiru mozio aurkeztu zituen:

1. Arrantza sektoreari buruzko hausnartze eta sustatze proposamena.  LAB sindikatuak bultzatzen du arrantza sustatzeko kanpaina. Kostako herrietan eta kofradietan lantzen ari da proposamen hau eta Euskal Parlamentuan zenbait alderdiekin bildu dira, harrera ona jasoz. Gu proposamen honekin ados gaude eta sektorea berpizteko ahaleginak egingo ditugu. Gure mozioa ez zen onartu: alde ANV-3+EB/Arl 2, kontra: EAJ-EA-PSOE.

EAJ-EA alderdiek mozio alternatiboa aurkeztu zuten, LAB sindikatua deskalifikatuz eta betiko erantzukizun eza eta epelkeria azalduz. Ezin dugu ulertu zergatik LABek plazaratzen dituen ekimen eta plangintza zehatzei muzin egiten zaien. Horrelako posturak mantenduz, arrantza sektorearen etorkizuna eta bideragarritasuna ezin dugu ziurtatu. LABen proposamenetako bat, instituzioen artean mahaia osatzea da: “Bertan parte hartu beharko lukete Eusko Jaurlaritzak eta arazo hau zuzenean pairatzen duten udalek”; baita ekintza plana proposatu ere. Eta horri ere, ezetz esan zioten. Noiz helduko diogu benetan gaiari? Sektore horrek dituen arazo serioei erantzuteko garaia dela uste dugu eta Udalak, arrantzale herria izan, eta egun, dela eta, zer egitekorik badu sektorea bultzatzeko, epelkerietan geratu gabe.

2. Torturen aurkako mozioa: Berriro ere, azken hilabetean  izan diren tortura kasuen larritasuna ikusita,  egoera hau salatzeko eta berriz ez gertatzeko, behar diren baliabideak jartzea proposatzen diogu Udalbatzarrari. Mozio horretan ageri den bezala, tortura era sistematiko batean erabiltzen du Estatuak, Inkomunikazio legeak zigorgabetasuna eta eskubideen urraketa sistematikoa ahalbideratzen baititu. Zoritxarrez, Espainiar Estatuak, PSOEren gobernuak, Euskal Herriaren aurka darabilen estrategien artean, torturaren erabilera ahalbideratzen du. Gure mozioa ez zen onartu.

EAJ-EA alderdiek beste mozio alternatiboa aurkeztu zuten; Igor Portuk atxiloketan zehar jasandako lesioei buruzkoa, kasu puntuala balitz bezala. Gure ustez, azken kasu hau, bere larritasunean barne, ez da bakarra izan (Mattin Sarasolak ere torturak salatu zituen); eta EAJ-EA-EB/Aralar alderdiei ausardia gehiago eskatzen diegu torturaren erabilpena (fisikoa, psikologikoa, eskubide politikoen urraketa etengabea…) gure herrietatik erabat desagertzeko eta ahalbideratzen dituzten bide polizial, judizial eta legegileak gaitzesteko.

3. Prekarietateari STOP! mozioa: lan baldintza eskasak lan istripuak eragiten ditu. 2007ko urtean 117 langile hil ziren lan istripuetan, eta milaka zauritu izan ziren. Aurten, dagoeneko 6 langile hil dira istripuen ondorioz, horietako bat oriotarra. Mozio hau ez zen onartu, EAJ-EAk gaia politizatu egiten genuela eta horregatik mozioaren kontra botatuko zutela adierazi zuten.  Alde: ANV-EB/Aralar 5 boto, kontra: EAJ-EA 5 boto, PSOE abstenitu egin zen. Berdinketa zenez, alkateak kalitatezko botoa erabili zuen mozioa ez onartzeko.

Gure ustez, egun langileriak jasaten duen egoera gordina, lan baldintza kaxkarrak eta segurtasuna eza salatzea eta horren aurkako neurriak jartzea eskatzea ez da gaia politizatzea. Gaiaren krudeltasuna agerian uztea eta dagoen arazoari aurre egitea bide zuzena dela uste dugu, eta ez EAJ-EAren jarrera arina eta hipokrita.

4.      EAJ-EA alderdiek Juan M. Atutxari, Kontxi Bilbaori eta Gorka Knörr-i babesa emateko mozioa aurkeztu zuten, euskal erakundeen aurkako epaiketa zela argudiatuz.

Mozio horri ezetza eman genion: Alderdiaren Legearen aplikazioaren  eragina zuzena izan da auzi horretan. Ezin dugu ahaztu, Atutxak, nahiz eta ez desegin Sozialista Abertzaleen taldea (Euskal Parlamentuaren erregelamenduaren zirrikitu legala aplikaturik), Estatuak eskatzen zuen bezala,talde horri zegozkion dirua ez ordaintzea erabaki zuela, talde horren lan politikoa oztopatuz eta era prekario batean murgilduz. Horri bi bandetan jokatzea deritzogu, ez besterik.

Baita ere esan dezakegu, euskal erakundeen autonomia oso ahula dela eta oso agerian geratu direla. Zeren, edozein elkarte “faxisten” ekimenek hankaz gora jartzen dituzte gure erakundeen “autonomia” eta ahalmena. Egoera hau gainditzeko garaia dela uste dugu eta Euskal Herrirako proposamen demokratikoa dugu mahai gainean, denon artean eztabaidatzeko. Baina, zorritxarrez, EAJ-EA-EB/Aralar alderdiak beste iruzur bat prestatzen ari dira Atutxa auzi horrekin; eta Euskal Herriaren lurraldetasunaren eta erabakitze eskubidearen  (egun, benetako gakoa) gaia desbideratuz.

Ohikoa denez, hilaren bukaeran, azkeneko asteartean, (urtarrilaren 29an, arratsaldeko 19:00etan) Udalbatzarra izango da. Hainbat punturen artean, Orioko EAE-ANVko udal taldeak hiru mozio aurkeztu ditu:

1. Arrantza sektoreari buruzko hausnartze eta sustatze proposamena.  LAB sindikatuak bultzatzen du arrantza sustatzeko kanpaina eta kostako herrietan eta kofradeitan lantzen ari da proposamena hau. Gu proposamen honekin ados gaude eta sektorea berpizteko ahaleginak egingo ditugu.

2. Torturen aurkako mozioa: Berriro ere, azken hilabetean  izan diren tortura kasuen larritasuna ikusita,  egoera hau salatzeko eta berriz ez gertatzeko, behar diren baliabideak jartzea proposatzen diogu Udalbatzarrari.

3. Prekarietateari STOP! mozioa: lan baldintza eskasak lan istripuak eragiten ditu. 2007ko urtean 117 langile hil ziren lan istripuetan, eta milaka zauritu izan ziren. Aurten, dagoeneko 5 langile hil dira istripuen ondorioz, horietako bat oriotarra.

Mozioek duten garrantzia ikusirik, oriotar guztiei udalbatzarrera etortzeko eta parte hartzeko gonbita luzatzen dizuegu.

2007ko urteko lan istripuko balantzea lazgarria izan zen: 116 langile hil ziren bere lantokietan lan baldintzak eskasen ondorioz.

2008ko urtea ez da hobeto hasi, dagoeneko 4 langile hil baitira lan istripuengatik. Azkena, Iñaki Iturralde oriotarra. Azken urteetan autonomo gisa lana egin bazuen ere, garraiolariek eta  garraio sektorean lan egiten duten guztiek lan baldintza txarrak, ordutegi amaigabeak...jasaten dituzte.

Iñaki Iturralderen omenez eta bere lan istripua salatzeko asmoz, datorren ostiralean, urtarrilaren 11n, herriko plazan arratsaldeko 7etan, Ezken Abertzaleak elkarteratzearen deialdia luzatzen die oriotar guztiei.

Lan prekarietatek hil egiten du. Prekarietateari STOP!!