Abuztuaren 3an, igandean, San Inazio jaietako batel estropadak jokatu ziren Loiolan. Bandera bikoitzarekin itzuli zen Orio AE.
XIII. Emakumezkoen Bandera lortu zuten kadete mailako neskek. Saioa Sayago –patroia–, Aroa Fernandez, Udane Hoyos, Naroa Eizagirre eta Noa San Martinek 09:21,33ko denborarekin lortu zuten garaipena.
08:06,89ko denbora egin zuten jubenil mutilek XXXV. Gizonezkoen Banderan. Jon Arriola –patroia–, Julen San Sebastian, Aritz Hernandez, Mikel Arregi eta Martxel Aldaik osatzen zuten ontzia.
Brontzea Espainiako Txapelketan
LXVII. Traineruen Espainiako Txapelketa jokatu zen Castron. Larunbatean egin zen sailkapen estropada, eta Bermeo, Orio AE, Kaiku eta Portugalete sailkatu ziren finalerako. Brontzeko domina lortu zuen oriok igandean, 19:40,52ko denborarekin.
Getariako estropadak
Gipuzkoako Emakumezkoen Ligako 4. jardunaldia jokatu zen igandean Getarian. Emakumezkoen traineruak hirugarren postua lortu zuen, 11:02,84ko denborarekin.
TKE1 ligan, Santurtziko XXXV. Ikurrina jokatu zen larunbatean, eta Getariako V. Ikurrina igandean. Zazpigarren eta bederatzigarren egin zuen Orio B taldeak, hurrenez hurren.