Gaur hasiko da Errumanian Carpati nazioarteko torneoa, eta Orio Eragin taldeko Libe Arruabarrena eskubaloi jokalari oriotarra bertan izango da Espainiako Guerreras Juveniles taldearekin. Errumania, Polonia eta Hungaria izango ditu aurkari Espainiako selekzioak Bukaresten. Hala, lehen partida etxekoen aurka jokatuko du gaur Arruabarrenaren taldeak, 15:00etan hasita. Larunbatean Hungaria izango dute aurkari 17:00etan abiatuko den norgehiagokan, eta igandean, berriz Poloniako selekzioa izango dute aurrez aurre, 11:00etatik aurrera.
Orio Eragin taldeak animoak bidali dizkio taldeko jokalariari eta zorterik onena opari dio txapelketan.