Lurra babesteko eta lehen sektorea nahiz elikadura sistema indartzeko, Zestoako Iraeta auzoko Amillubi baserria eta bere lurrak erosteko bidea hasi du Biolurrek Amillubi Lurra Taupaka egitasmoa abiatuta. Proiektuaren berri eman dute Amillubin bertan Leire Ibarretxek, Oihana Usabiagak eta Jone Juaristik.
Biolurrek Amillubi Lurra Taupaka proiektu berria abiatu du, Zestoako Iraeta auzoko Amillubi baserria eta bere lur eta basoak erosteko urratsak modu kolektiboan eginda. Egitasmo berriarekin "lurra ondasun kolektibo bilakatzea" du helburu Biolurrek. Amillubi baserria eta lurrak erosita, lurra "espekulaziotik eta artifizializaziotik" babestu nahi dute, lehen sektorea eta elikadura sistema "indartzeko".
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!